كەچۈر ئانا تىلىم

كەچۈر ئانا تىلىم

ئوسمانجان ئىسمائىل (دولانى)

كەچۈر ئانا تىلىم
ئانا تىلىم، مېنى كەچۈر …

ئانا تىلىم، سەن مېنى باغرىڭغا باستىڭ، ئۆزۈڭنىڭ روھى ئوزۇقۇڭ بىلەن مېنى پەرۋىش قىلدىڭ، مەن سېنىڭ ئىللىق باغرىڭدا ئوزۇقلاندىم، تەربىيلەندىم…

ئانا تىلىم مەن سەن ئارقىلىق ئۆزۈمنى تونۇدۇم ،يۇرتۇمنى تونۇدۇم ،ئاتا-ئانامنىڭ مۇبارەك نامىنى سەن بىلەن بىلدىم .سەن ئارقىلىق مىنى ياراتقۇچنىڭ مۇقەددەس ھەدىسلىرىنى بىلدىم ،نەسىھەتلىرىنى ئاڭلىدىم قانداق ئادەم بولۇش كىرەكلىكىنى ئۈگەندىم .

ئاناتىلىم، مەن سەن ئارقىلىق ئۆز بۇرچۇمنى ،مەسئولىيتىمنى بىلدىم ،سەن ئارقىلىق كىيىنكى نىشانلىرىمنى بىكىتتىم،ئۆزۈمنىڭ قايسى يولدا مىڭىشىم كىرەكلىكىنى تونۇپ يەتتىم .

ئانا تىلىم مەن ئۆزۈمنىڭ قانداق قىلغاندا ياخشى ئادەم بولالايدىغىنىمنى سىنىڭ ئاشۇ نەپىس تىللىرىڭ بىلەن،ئۈنچە-مارجاندەك تاۋۇشلىرىڭ بىلەن تونۇپ يەتتىم .

ئىھ،ئانا تىلىم ،سەن مەن ئۈچۈن ئاز بولمىغان ئەجىرلەرنى سىڭدۈردۈڭ ، ئەمما مەن سىنىڭدەك بىر مىھرىبان ئانىنىڭ مەندەك بىر ۋاپاسىز،بېلى بوش پەرزەنتىڭدىن كۈتكەن ئۈمۈدۈڭنى ئاقلىيالمىدىم ،ئەكىسچە مەن سىنىىڭ ئاشۇ ئوماق تاۋۇشچاقلىرىڭنى ،مۇنچاق -مۇنچاق سۆزلىرىڭنى ،مەردانە جۈملىلىرىڭنى ،قوغداپ قالالمىدىم ،ھەم شۇنداقلا باشقا قىرىنداش مىللەتلىرىمىز نىڭ گەپ سۆزلىرىنى شۇ پىتى ئۇلارغا ئارلاشتۇرۇپ تاشلىدىم .شۇنىڭ بىلەن بىر بىلەن ‹‹پەمىدۇر››دىگەن سۆز ‹‹شوخلا››،‹‹تىلىۋىزور›› دىگەن سۆز ‹‹دىيەنشى››،‹‹كىرئالغۇ››دىگەن سۆز ‹‹شىجى››،‹‹يان تېلفۇن››دىگەن سۆز‹‹شوۋجى››…دىگەندەك بىر قىسىم چۇشۇنۇكسىز گەپلەر ئۇلارنىڭ ئارىسىدا ئەۋج ئىلىپ كەتتى .

ئانا تىلىم ، ئەسلىدە سېنىڭ ھەربىر تاۋۇشلىرىڭدا بىر ئاڭلاپلا چۈشەنگۈدەك مەنە چىقىپ تۇرىدۇ ،بىر ئاڭلىغان ياكى كۆرگەنلەر شۇ ھامان مەنىسىگە يىتەلەيىتتى،ئەمما ھىلىقىدەك گەپلەرنىچۇ ،ئۇنى ھىچكىم بىر قاراپ ياكى كۆرۈپ چۈشۈنۈپ بولالمايدۇ.بۇنداق گەپ سۆزلەر سەن ئۈچۈن بىرتوپ پارازىت قۇرتلاردىن باشقا نەرسە ئەمەس، ئەمما ئۇلار توختىماستىن كۆپىيىۋاتىدۇ ،ئوغلۇڭ بولغان مەن ئۇلارنى توسۇش ئۇياقتا تۇرسۇن ئەكىسچە ئۇنىڭغا يول قويىۋاتىمەن .

بۇنداق بولىۋەرسە بىزدىن كىيىنكى ئەۋلاتلارغا نىمە قالىدۇ ،بىرتوپ ئەخلەتلەرمۇ؟!

ئىش شۇنداق تۇر سا مەن تۇزكور ،ۋاپاسىز بولماي يەنەكىم ۋاپاسىز بولسۇن؟!

ئاناتىلىم، جىنىم ئاناتىلىم مېنى راستىنلا كەچۈرگىن !

Author: ئۇيغۇر

6 thoughts on “كەچۈر ئانا تىلىم

  1. ئوسمانجان ئسمايىل (دولانى)ئەپەندىنىڭ بۇ يازمسنى ئوقۇپ ناھايىتى خىجىللىق ھېس قىلدىم.ئانا تىلىمىز شۇنچە نەپس تۇرسا يەنە تىلمىزغا ئەخلەتلەرنى ئارلاشتۇرۇپ بۇلغاشىنىڭ نە ھاجىتى !مەنمۇ بۇندىن كېين دىققەت قىلمەن .راستن دېسەم ئۆزۈمىنڭ گاچا بولۇپ قېلشنى خالمايمەن .

  2. ئەگەر سىز نىيە ناھىيىسىدىكى ئوسمانجان ئىسمايىل بولسىڭىز بۇ نوقتىنى ھەقىقەتەن كىچىكىپ ھىس قىپسىز. سىز ئۆز ۋاقتىدىكى نىيە ناھىيىلىك مائارىپ ئىدارىسىنىڭ ئىدارە باشلىغى ۋاقتىڭىزدا يېڭىلق يارىتىمەن دەپ قوش تېل ئوقۇتۇش سىنىپلىرىنى زور دەرىجىدە كېڭەيتىپ مىللى مائارىپنى زور دەرىجىدە بۇزغۇنچىلىققا ئۇچراتقان، نۇرغۇن ئۆسمۈرلەرنى ئانا تىلىدىن ساۋاتسىز مەكتەپنى تاماملاتقۇزغان.

  3. ئانا تىلنى قوغداش، ئەۋلادلارغا ئانا تىل تەربىيەسىنى كۈچەيتىش ئۆز ئانا تىلىدا تەربىيەلىنىپ جاھاننى ۋە ئۆزىنى تۇنۇغان ھەر بىر ئەقلىي ئىنساننىڭ ئۇلۇغ بۇرچىدۇر!!!

  4. مىنىڭچە ھازىر ھەممىدىن بۇرۇن ھەممەيلەن ئەۋلاتلارنىڭ كىيىنكى تىلى ئۈستىدە باش قاتۇرماي ،ئاۋۋال ئۈزۈمىزنىڭ ساپ ئانا تىلدا سۆزلىشگە بەكراق ئىتبار بىرەيلى ،ھازىر ئەتراپىمىزدىكى قايسى بىرى ساپ ئانا تىلدا سۆزلەۋاتىدۇ ؟بىز ئۆز-ئارا ئەسكەرتەيلى ،ئانا تىلنى قوغداش شەرەپ ،ھەرگىزمۇ باشقىلارغا ئەسكەرتىش بىرىشتىن ئىرىنىپ قالمايلى ،دوسىتلار

  5. ھەي ئىسىت!مەزكۇر ئۇچۇرنى بۇرۇنراق كۆرگەن بولسامچۇ!!!
    مەن 2003-يىللىرى بىر مەزگىل ساپ تىلدا سۆزلەپ يۈرگەنىدىم.كېيىنچە(راست گەپنى ئېيتقاندا)خۇشياقماي،بىلىپ تۇرۇپ يەنىلا چاڭلاشما تىلدا سۆزلەپ كەلگەن؛بۇ يىل يەنى 2013-يىلى 6-ئايدىن باشلاپ يەنە داۋاملاشتۇردۇم.شۇڭا بۇندىن كېيىن بارلىق تورداشلارنىڭ،جۈملىدىن بارلىق ئۇيغۇر خەلقىنىڭ ھازىردىن باشلاپ ساپ ئۇيغۇر تىلىدا سۆزلىشىنى ئۈمىد قىلىمەن.تۇرمۇشىمىزدىكى قايسى گەپنىڭ ساپ ئۇيغۇرچىسى يوقكەن؟؟؟
    قولىڭىزغا دەرت كەلمىسۇن!داۋاملىق يېزىپ تۇرۇڭ!

Leave a Reply