بۆرە بىلەن ئىت

بۆرە بىلەن ئىت

تەرجىمە قىلغۇچى: نەسلىخان ئۇيغۇر

ناھايىتى سوغۇق بىر قىش كۈنى ئىكەن. ئورۇق ۋە ئاجىز بىر بۆرە، سېمىز ۋە كۈچلۈك بىر ئىت بىلەن ئۇچرىشىپ قاپتۇ. ئىتقا قىزىقىپ سوراپتۇ:

– سەن نىمە ئۈچۈن بۇنچە سېمىز؟

ئىت:

– ئادەملەر مېنى باقىدۇ، – دەپ جاۋاپ بېرىپتۇ.

بۆرە ھەيرانلىق بىلەن:

– شۇنداقمۇ، – دەپتۇ، – ئۇنداقتا مەنمۇ سەن بىلەن بىللە ماڭاي، ئۇ ياخشى يېمەكلىكلەردىن مەنمۇ يەي.

ئۇلار بىللە يولغا چىقىپتۇ. بۆرە ناھايىتى خۇشال ئىكەن. « بۇنىڭدىن كېيىن ئاچ قالمايمەن.» دەپ ئويلاپتۇ. مېڭىۋېتىپ ئىتنىڭ بوينىدا بىر يارا ئىزى كۆرۈپ قاپتۇ. قىزىقىپ سوراپتۇ:

– ئاداش، بۇ بوينۇڭدىكى يارا ئىزى نېمە؟

– تاسما ئىزى، – دەپ جاۋاپ بېرىپتۇ ئىت.

– چۈشەنمىدىم، – دەپتۇ بۆرە، – تاسما دىگەن نىمە؟

ئىت چۈشەندۈرۈپتۇ:

– ئادەملەر كېچىلىرى مېنى زەنجىر بىلەن باغلاپ قويىدۇ. بۇنىڭ ئۈچۈن بوينۇمغا تاسما باغلايدۇ.

بۆرە نېمە دىيىشىنى بىلەلمەي قاپتۇ. بىردەم جىمىپ قاپتۇ. كېيىن:

– مەن سېنىڭ بىلەن بىللە كېلىشتىن ۋاز كەچتىم، – دەپتۇ.

ئىت:

– نىمىشقا دەپ سوراپتۇ.

بۆرە:

– چۈنكى مەن ئەركىن بولمىسام خۇشال بولالمايمەن. زەنجىر بىلەن باغلىنىشنىڭ ئورنىغا ئاچ قالسام تېخى ياخشى، شۇڭا كېلىشتىن ۋازكەچتىم، – دەپ جاۋاپ بېرىپتۇ.

ئىنكاس قالدۇرۇش

* قويۇلغان يەرنى تولدۇرۇش تەلەپ قىلىنىدۇ، ئېلخەت ئادرېسىڭىز ئاشكارىلانمايدۇ. Required fields are marked *